حلقة من مسلسل لاشين (العهد)

لو بتحكي قصة مالهاش بداية، بيكون من حقك تبدأ من النقطة اللي تريحك، المشهد اللي تحس إنه يمكن.. يمكن كان بداية من بدايات كتير محتملة، لو فضلت محتار، دور على لحظة من اللحظات في القصة لو ماكانتش اتحققت، كانت كل حاجة هتمشي في مسار مختلف تماما.. و القصة دي مالهاش بداية، و انا مش مضطر أحكي، لكني وعدت سهير زاهر إني هحكي. مش عارف ليه بالظبط.. يمكن ده فعل بشري أخير.. يمكن لسة جوايا جزء ولو صغير مشفق على البشر و مصيرهم.. لكني أشك إن كلامي هيغير أي حاجة.. و علشان مافيش نقطة بداية، فاسمحولي أختار يوم معين، لحظة فاصلة.. على الأقل في حياة سهير زاهر.. في طنطا.. سنة 1996.. مولد السيد البدوي.. اليوم اللي غير حياة سهير زاهر للأبد، بدون حتى ما هي تلاحظ ده..

استمع إلى هذه الحلقة على تطبيق ستوريا بود